Det melder NVE i sin rapport om kraftsituasjonen i veke 50. I midten av førre veke var det periodar med særs lite vindkraftproduksjon i Danmark, Storbritannia og Tyskland. Dette, kombinert med kaldare vêr og auka forbruk, førte til høgare straumprisar i store delar av Nord-Europa samanlikna med veka før. Sørvest-Noreg (NO2) hadde fleire timar med prisar over 200 øre/kWh på vekedagane, og på ettermiddagen torsdag 12. desember nådde prisen 1053 øre/kWh, den høgaste nokosinne i Sørvest-Noreg. Samstundes var straumprisen 1097 øre/kWh i Danmark og Tyskland. Nesten ingen vindkraftproduksjon nord på kontinentet førte til at termiske kraftverk i Nord-Europa med høge driftskostnader måtte produsere for å dekkje delar av etterspurnaden i denne perioden. Sørvest-Noreg hadde ikkje nok tilgjengeleg produksjonskapasitet til å dekkje både eige forbruk og etterspurnaden i områda rundt. Det vart derfor ingen flaskehals mot kontinentet, og Sørvest-Noreg fekk nesten same pris som Tyskland.

Det var eksport frå Sørvest-Noreg til Søraust-Noreg (NO1), som hadde mykje lågare straumpris, i denne perioden. Dette var for å få straumen vidare til Sverige og sørover til kontinentet som hadde dei høgaste straumprisane. Straumprisen vart betydeleg lågare i helga, og vekesprisen i Sørvest-Noreg enda på 158 øre/kWh. I Søraust- og Vest-Noreg (NO5) var vekesprisen høvesvis 126 og 83 øre/kWh. På grunn av flaskehalsar i nettet vart ikkje prisen i Nord-Noreg (NO4) påverka av situasjonen i Nord-Europa, og vekesprisen her enda på 10 øre/kWh.

Merknad: På grunn av juleferie blir neste kraftsituasjonsrapport publisert onsdag 8. januar 2025. Magasinstatistikken for veke 51 blir publisert onsdag 25. desember 2024 kl. 13, medan magasinstatistikken for veke 52 blir publisert torsdag 2. januar 2025 kl. 13.

Vassmagasinstatus

Vassmagasinstatistikk er viktig for strømprisene. Når fyllingsgraden er låg, kan det føre til høgare strømprisar på grunn av knappheit på energi. Omvendt kan høg fyllingsgrad føre til lågare prisar. Du kan lese meir om vassmagasinstatistikk på NVE sine heimesider.

Data for kraftsituasjonen

NVE har lansert ei nettside som vil presentere utvalde data som blir brukt i kraftsituasjonsrapportar. Nettsida er interaktiv, og brukarar vil ha moglegheit til å tilpasse parametrar som område og tidsperiode. Sjekk gjerne ut sida «Data for kraftsituasjonen".

 

Strømprisindeks

Fornybar Norges strømprisindeks viser kva ein gjennomsnittleg hushaldning må rekne med å betale i straumrekning for førre månad. Hensikta med straumprisindeksen er å gi norske straumkundar betre innsikt i korleis straumprisane utviklar seg over tid, kva som påverkar prisane og korleis straumrekninga er sett saman. Ta ein titt på priindeksen hjå Fornybar Norge.

 

Få full oversikt i Eidefoss-appen

Last ned appen og få full oversikt og kontroll over strømprisar og forbruk. Spar strøm, pengar og miljøet med full oversikt og kontroll over strømforbruket ditt.

Følg med på spotprisar og forbruket ditt! I appen kan du også få varsel når strømprisen er ekstra høg, prognose for kostnadar og mykje meir. Du kan også lage di eiga personlege framside slik at du får kjapp tilgang til informasjonen som er nyttig for akkurat deg.

 

Sjekk ut appen.