Kraftsituasjonen veke 51 og 52 2018
![Familie rundt middagsbordet som skåler på jnulaften Familie rundt middagsbordet som skåler på jnulaften](https://www.eidefoss.no/getfile.php/131959-1546610662/Bilder/Artikkelbilder/Str%C3%B8m/shutterstock_754838884%20%282%29.jpg%20%28content%29.jpg)
Høg nettoimport i juleveka. I veke 51 var det høgt forbruk og lite vindkraftproduksjon i Norden, noko som bidrog til ein auke i kraftprisane i dei nordiske elspotområda frå veka før
I veke 52 medverka mildvêr og juleferie til lågare forbruk, samstundes som vindkraftproduksjonen i Sverige og Danmark gjekk opp kraftig.
Mindre behov for regulerbar kraft bidrog til at systemprisen i Norden gjekk ned ti prosent frå veke 51 til veke 52, medan kraftflyten mellom Noreg og utlandet snudde frå nettoeksport til nettoimport.
Førebelse tall for 2018 visar at kraftforbruket i Noreg var 135,4 TWh, medan produksjonen blei 145,7 TWh. Kraftforbruket auka med 2,5 TWh frå rekorden i 2017, medan produksjonen sokk med 2,5 TWh. Nettoeksporten hamna på om lag 10 TWh, ned frå 15 TWh året før.